හැරී බැලුවෙමි

              දෙදහස් දහතුනක් වූ ජනේරුවද මා සිතු ලෙසම ජය පරාජයන් අතර දෝලනය වී හමාර වන්නට කල් මරණා කල සරසවි බිම් පෙතෙහි තවත් අපූරු අත්දැකීම් කිහිපයකටමුහුණ දුන්නා යයි කීම මා සිතනා පතනා ලෙස නම් නිවැරදිය.දේශන ශාලා දෙසට සති දෙකක් වැනි කාලයක පස් නොපෑගු මා ඇතුළු අපගේ පිරිවර නේවාසිකාගාර සාදයට සුදානම් වුයේ මහත්වූ උනන්දුව හා කැපවීම මධ්‍යයේ බව කීම අතිශෝක්තියක් නොවන්නේ එය දැක බලා විඳගත් සහෝදර කැලගෙන් ලැබුනාවූ ප්‍රසංශා සාක්ෂි කොට ගෙනය.එකී දිනයට පෙර අපට මහ රාත්‍රියේ ලැබුනාවූ වැඩිමහල් සහෝදර සහෝදරියන්ගේ ජල පහරන් වලට පෙරලා පහර ගැසීමට  ලැබුණු අවස්ථාව නම් මල් හතමය..පහුවදා එය හතියකට නොපෙරලුනේ වාසනාවකට දෝ කීමට නම් මා හට දැනුමක් නොමැත්තේ කරාමයකින් අත සේදු කලද වැලදෙන්නාවූ  සෙම්ප්‍රතිෂාව නිසාය.එකී දවස අපගේ සාද දිනයදවීමෙන් උපරිම විනෝදාස්වාදයක් ලබා ගැන්මට අපට මෙන්ම සහභාගී වූ සියල්ලන්ටමද ලැබුනායයි කීම සාධාරණය.විශේෂ අවස්ථාවක් ලෙස මටද රැගුමක් ඉදිරිපත් කිරීමට ලැබුනේ සරම් කොටයක් ගසා ගෙන වීම සිංහාවලෝවකනයේදී අදද මට පුදුම සහගතය.

  

                    එකී දිනට පසුදාම දෙමාපියන් සිහිවීමෙන් නිවස බලා පැමිණියද එය වැස්සත් සමඟ සේදී ගියේ ලෙඩ රෝගද සමඟය.දොස්තර මහතා දැක බලා ගැනීමෙන් අනතුරුව ලද බෙහෙත් වට්ටෝරුව මතින් නැවත සරසවිය කරා මා නික්ම ආ මා,සතියක් ගතවූ තැන අපගේ සරසවි දිවියේ පළමු වර්ෂ පුර්ණය නිමිත්තෙන් අලුයම පිබිදී අප සෑදු කිරිබත අපගේ එකමුතුව තවත් ශක්තිමත් කළේ ඉදිරි තෙවර්ෂයට අඩිතාලම දමමිනි.වර්ෂයක කාලයක් තුල අප කලාවූ දායකත්වයන් නැවුම් අත්දැකීම් මෙන්ම කටුක ඒවාද වීම අපගේ මතකයන් තුල අදද රැදී පවතින්නේමය.උපසංස්කෘතිය විටෙක විහිළුවක් වුවද බොහෝ විට එයින් ලැබූ පන්නරය මා සිතනා ලෙස ප්‍රයෝජනවත් වන්නේ අපගේ කනිෂ්ට සහෝදරත්වය සරසවිය ස්පර්ශ කලායින් පසුවමය.එයටද තවත් මාස හතරක් හෝ පහක් ගාමක බලවේගය ලෙස අපට තිබෙන්නාවූ වැඩ කොටස තවත් රසවත් වන්නේ එළඹෙන නවම් මහේ නමෝ විත්තියෙන් යන්නාවූ පළමු චාරිකාව කරන කොට ගෙනය.එය ගැහැණු ළමයින්ට විශේෂ වන තවත් කාරණාවක් වන්නේ දුක් විඳ ඇන්දාවූ සාය හට සමු දී කකුල් දෙකකට බැසීමේ වරම ලැබීම හේතුවෙනි.

එකී පළමු වර්ෂයේ විශේෂ අවස්ථා මෙසේය.

වැඩි විස්තර සඳහා