හයයි හතරයි සුපර් ඕවරයයි

මෙහි එන නම් ගම් මනංකල්පිතයි..

ස්ථානය:පල්ලෙකැලේ ජාත්‍යන්තර ක්‍රීඩාංගනය

වෙලාව:ප.ව.3.00

ප්‍රධාන චරිත:රූවා / හිරුවා

හිරුවා:මචං අපි අර බෑන්ඩ් එකක් ළඟම ඉමුකෝ..අනේ අනේ ප්ලීස්

රූවා:බෑන්ඩ්..?මේක ස්පොර්ට් මීට් එකක් ඇ බං(වටපිට බලා තත්වය අවබෝධ කරගනිමින්).ආ.. හරි හරි ඒකට බෑන්ඩ් එක නෙමේ කියන්නේ ගොනෝ "මෝලන්"නැත්තන් "පපරේ"කියලා..

 (මැච් එක ආරම්භය)

හිරුවා:මචං අර ලනුවක් දාලා තියෙන්නේ මොකක්ද?මැච් එක ඉවර වෙලා කඹ අදින්නද?

රූවා :මොකා..අප්පෝ මේකා..ඒ ලණුවට උඩින් ගැහුවොත් හයයි..බිමින් ගියොත් හතරයි..අපි කෑ ගහන්න ඕනෙ අපේ වුන් ගැහුවොත් තමා.නැත්තන් අනිත් පැත්තට කෑ ගහලා අපිට සලකයි දෙකේ දෙකේ පොලු වලින් ඕකේ

හිරුවා:මොකක්ද බං මේ හැට්‍රික් කියන්නේ..සුපර් ඕවර්..වයිඩ්.නෝ බෝල්..පවර් ප්ලේ.

රූවා:අම්මප මෙච්චර වර්ඩ්ස් කොහෙන්ද මුට..ජයන්ට් ස්ක්‍රීන් එක ලෙසටම නේ හා හා :) :)

මෙහෙමයි මතන්.හැට්‍රික් කියන්නේ එකවර බෝල් තුනකින් විකට් තුනක් ගත්තොත්.මාලිංග,වාස්,වගේ කට්ටිය නම් ඕකට හෙන ප්‍රසිද්ධයි.මාලිංග එක සැරයක් දකුණු අෆ්රිකාවට බෝල් හතරෙන් විකට් හතරක් ගත්තා..ඒකට නම් නමක් නෑ තාම මයේ හිතේ.පුළුවන් නම් දාහන් නමක් බොරුවට රිහානා පස්සේ යන එකේ :D

එතකොට සුපර් ඕවර් කියන්නේ ටී 20 මැච් එකක රටවල් දෙකේම ස්කෝර් ලෙවල් වුනොත් දෙපැත්තටම දෙන ඕවරේ.බෝල්ස් හයට වැඩිම ලකුණු ගත්ත ටීම් එක තමා දිනන්නේ..හැබැයි ෆර්ස්ට් බැට්ස්මන්ලා දෙන්නම අවුට් උනොත් ආයේ ඒ ටීම් එකට බැටින් චාන්ස් නෑ.

       වයිඩ් කියන්නේ අම්පයර් අත් දෙක දෙපැත්තට දාලා පෙන්වන එක.තේරුම ඒ බෝලේ බැට්මන්ට බැට් කරන්න බැරි එකක් කියන එක.එතකොට ඒ බෝලේ කැන්සල්.ඒ වගේම  බෝලර් ට වැඩියෙන් එක බෝලයක් යවන්න වෙනවා.එතකොට ඒ ඕවරේට බෝල්ස් හතයි.

          නෝ බෝලුත් එහෙමයි.අම්පයර් පෙන්නන්නේ එක අතක් දාලා.ඒ ඉරෙන් ඉස්සරහ සිට පන්දු යැවීමයි.හැබැයි අලුත් නීතියට(ෆ්‍රී හිට්)අනුව ඒ බෝලේ කැන්සල් වෙනවට අමතරව ලැබෙන ඊළඟ බෝලෙට විකට් පොලු කැඩුනත්,කැච් එකක් ගියත් අවුට් නෑ හැබැයි රන් අවුට් නම් වලංගු වෙනවා පුතේ:)

       පවර් ප්ලේ කියන්නේ ග්‍රවුන්ඩ් එකේ යාර තිහට  එහායින් ෆීල්ඩර්ස්ලා දෙන්නෙක් තියන එක..එතකොට ඇතුලේ කීයද බං?

හිරුවා:හයයි.

රූවා:(බෙල්ලේ වැල දා ගැනීමට ලනුවක් හොයමින්).අම්මේ යකෝ..ටීම්එකේ ඉන්නෙ එකොලොස් දෙනයි..එතකොට කීයද?

හිරුවා:එකොළහයි.

රූවා:අපොයි එකොළහෙන් දෙකක් ගියාම එකොළහයිද බොල?

හිරුවා:ඇයි බං අර කළු කිට් දාලා ඉන්න දෙන්නා?

රූවා:උන් අම්පයර්ස්ලනේ දෙයියනේ :/

හිරුවා:අන්න මචං රන් අවුට්ලු ඒ මොකක්ද?

රූවා:හිටපන් චියර් කරනකල්..(හුරේ) ඒ කියන්නේ බැට්ස්මන්ලා දෙන්නගෙන් කෙනෙක්ට දුවපු ලකුණ සම්පුර්ණ කරගන්න බැරි වීම.ඒක සාමාන්‍යයෙන් තෙවන විනිසුරු (තර්ඩ් අම්පයර්)තමා තීරණය කරන්නේ පුන රූපණ බලලා(විශේෂ කැමරා ආශ්‍රයෙන්)මොකද සමහර වෙලාවට ග්‍රවුන්ඩ් අම්පයර්ට පියවි ඇහෙන් ගෙස් කරන්න අමාරු අවස්ථා තියනවා.දුවන පැත්තේ ඇඳලා තියන ඉර පාස් කලේ නැත්තන් අවුට් වෙනවා.සමහර වෙලාවට බැට්මන් බඩ ගාගෙන ඉර පාස් කරනවා.එතකොට ඉරට උඩින්  බැට් එක ඉස්සුනොත් ඒත් වෙන්නේ අවුට් වෙන එකමයි.

හිරුවා :අම්මෝ උඹ දන්න දේවල්..මොනවද බං ක්‍රිකට් ෂොට්?නම් ටිකක් කියහන්කෝ.

රූවා:(යකෝ මන් දන්නෙත් නෑ..ඒත් දෙක වෙන්න බෑනේ මේකට)ළඟදීම ආවේ දිල්ස් කූප්..,ස්වීප් ෂොට්,ලෙග් ග්ලාන්ස්,ස්ට්‍රෙයිට් ෂොට් වගේ එක එක නම් තියනවා.ඒ වගේම ෆිල්ඩින් ක්‍රම,ෆීල්ඩින් පොසිෂන්ස්,විසිකිරීමේ ක්‍රම,බෝලින්,ඩිසිප්ලින්ස් වගේ තව ගොඩාක් දේවල් ක්‍රිකට් වල  තියනවා.

හිරුවා:එතකොට දෝලනය කියන්නේ මොකක්ද?

රූවා:ඕක මචං සයන්ස් එක්ක යන්නේ.ස්පීඩ් දාන බෝලයක් පාවෙන කොට,ඒකට අහු වෙන හුළං දෙපැත්තට බෙදෙන අවස්ථාවේ එක පැත්තකට අයිති හුළං අනිත් පැත්තට වඩා කලින් හෝ පසුව හැරයාම තමා දෝලනය කියන්නේ.ප්‍රමාදය වන පැත්ත ගොඩාක් දුරට පන්දුවේ දිලිසෙන,සිනිදු පැත්ත වීම තමා තියරිය.ඉන් ස්වින්ග් අවුට් ස්වින්ග් කියලා දෝලන වර්ග දෙකකුත් තියනවා.

හිරුවා:මචං අපිට වගේ ක්‍රිකට් ටීම් වලටත් නික් නේම්ස් තියනවද?

රූවා:නැතුව නැතුව.

• ලංකාවට -ද ලයන්ස්

• ඕස්ට්‍රේලියා-බැගී ග්‍රීන්ස්

• නිව් සීලන්ඩ්-ද බ්ලැක් කැප්ස්

• වෙස්ට් ඉන්දීස්-ද වින්ඩිස්

• ඉන්දියාව-මෙන් ඉන් බ්ලූ

• පකිස්තාන්-මෙන් ඉන් ග්‍රීන්

රූවා:හිරුවා උඹ දන්නවද සපොටර්සලටත්(දිරි ගන්වන්නන්ටත්)නම් තියනවා.

හිරුවා:ෂාහ් මරුනේ කියපන්කො ඉතින්

රූවා:

• ලංකාවේ අයට-ද අප්පුහාමි

• ඕස්ට්‍රේලියා-ද ෆැනටික්ස්

• එංගලන්තය-ද බාර්මි ආමි

• නිව් සීලන්ඩ්-ද බ්‍රේජ් බ්‍රිගේඩ්

• ඉන්දියා-ද ස්වාමි ආමි

හිරුවා:නියමයි නේ..තව දන්න ඒවා කියපන්කො ආසයි අහන්න

රූවා:ආසද?මැච් එක ඉවරයි යමං දැන් :/