පිටසක්වළ ජිවය යනු කුමක්ද?

         පෘථිවිය හැරුණු විට වෙනත් ග්‍රහලෝකයක,උපග්‍රහයෙකු මත නැතහොත් ග්‍රහකයක හෝ අභ්‍යවකාශයේ ඇති දුවිලි අංශුවක හෝ කිසියම් ජීවයක් පවතී නම් එය "පිටසක්වළ ජිවය"ලෙස හඳුන්වයි.මොවුන් අප මෙන්ම මහා ජීවින්ම වීම අවශ්‍ය නොවන අතර අභ්‍යවකාශයේ පවතින දුවිලි අංශුවක් මත ඇතිවන ක්ෂුද්‍ර ජීවින් වුවද  පිටසක්වළ ජිවය ලෙස හැඳින්විය හැකිය.

ව්‍යුහමය හා කෘත්‍යමය වශයෙන් ජීවයට දායක විය හැකි මහා අණු තැනිය හැක්කේ අප දන්නා මුල ද්‍රව්‍ය වලින් පහකට පමණි.එනම් කාබන්,නයිට්‍රජන්,සිලිකන්,බෝරෝන් හා පොස්පරස්ය.අනෙක් මුලද්‍රව්‍ය අයනික බන්ධන තැනීමට වැඩි නැඹුරුවක් දක්වන ලෝහ හෝ රසායනිකව අක්‍රීය වායු හෝ මුලද්‍රව්‍ය හෝ වේ.

   

             පෘථිවියේ ජිවය කාබන් මත  ව්‍යුහමය හා කෘත්‍යමය වශයෙන් ගොඩ නැඟුනද පිටසක්වළ ජිවයක් එකී මුල ද්‍රව්‍ය පහෙන් හැකිදැයි විමසා බලමු.

          සහ සංයුජ ඉලෙක්ට්‍රොන තුනක් පැවතීම නිසා  ඉලෙක්ට්‍රොන ඌනතාවයක් පවතින බෝරෝන් මුලද්‍රව්‍යයට තැනිය හැක්කේ සීමිත බන්ධන ගණනක් පමණි.එසේම එවැනි සංයෝගවල ස්ථායිතාවය හා ස්වභාවය පිලිබඳ ගැටළු රාශියක් ඇත.නයිට්‍රජන් හි අණුවේ බන්ධන  ස්ථායිතාවය ඉතා වැඩි බැවින් තැනෙන කුඩා දාමයක් වුවද පහසුවෙන් වියෝජනය වී නයිට්‍රජන්  වායුව සැදීමට වැඩි නැඹුරුවක් දක්වයි.පොස්පරස් වල සහ සංයුජ බන්ධනද අඩු  ස්ථායිතාවයක් දක්වයි.මේ හේතු නිසා කාබන් ආකාරයේ සංයෝග තැනීමට බෝරෝන්,නයිට්‍රජන් සහ පොස්පරස් යන මුලද්‍රව්‍යවලට අපහසු බවත් ඒ අනුව පිටසක්වළ ජිවය එම මුලද්‍රව්‍ය තුන මත රඳා නොපවතින බවත් සිතිය හැක.

එහෙත් ආවර්තිතා වගුවේ එකම කාණ්ඩයට අයත් බැවින් සිලිකන් මුලද්‍රව්‍ය කාබන් වෙනුවට හොඳ ආදේශකයක් විය හැකිය.එහෙත් ප්‍රමාණයෙන් විශාල වීම නිසා සිලිකන් බන්ධන තැනීම, කාබන් බන්ධන තැනීම තරම් පහසු නොවන අතර ස්ථායිභාවයද අඩුය.කෙසේ වුවද විද්‍යා ප්‍රබන්ධ රචකයන්ට අනුව සිලිකන් හා ඔක්සිජන් එකතුව තනන මෙතිල් සිලිකෝන වැනි අණුපිටසක්වළ ජීවය සඳහා හොඳ අත්තිවාරමක් විය හැකිය.

       නමුදු කාබන් අණු පැවති ලෙසටම ජීවයක් බිහි නොවන බව දැන ගත යුතුය.ජීවය සඳහා අකාබනික අණුද බහුලව ප්‍රයෝජනවත් වේ.මේ අතර වැදගත්ම අකාබනික සංයෝගය වන්නේ "ජලයයි".ජලය යනු සියලුම ජීවි සෛලයන්ගේ බහුලම සංයෝගයකි.බොහෝ පෝෂ්‍ය පදාර්ථ  සෛලය තුළට ඇතුලත් වීමට නම් ජලයේ දිය විය යුතුය.එසේම ජීව විද්‍යාත්මක ප්‍රතික්‍රියා සිදුවීමට නම් ජලීය මාධ්‍යයක් අවශ්‍ය වේ.එසේම බොහෝ මහ අණුක සංයෝග ඒවායේ හැඩයන් පවත්වා ගන්නේ ජලයට ස්තූති වන්නටය.

             

    මෙවැනි අත්‍යවශ්‍ය කාර්යයන් ජීවි දේහ තුල ඇති වීමට ජලය සතු විශේෂිත ගුණාංග උපකාරී වේ.

1. ජල අණුව සුළු වශයෙන් ධ්‍රැවීකරණය වී පවතී.මේ නිසා ජල අණුවකට තවත් අණු සමඟ පහසුවෙන් අන්තර් අණුක ආකර්ෂණ බල තැනිය හැකිය.මේවා ප්‍රබල හයිඩ්‍රජන් බන්ධන වේ.
2. ජලයට ඇත්තේ ඉහල තාපාන්කයකි.ඒ නිසාම ජලය විශාල උෂ්ණත්ව පරාසයක් තුල ද්‍රව වශයෙන් පවතී.සාමාන්‍ය කාමර උෂ්නත්වයේත්  සෛල තුල ජීව ක්‍රියා සිදුවන ප්‍රශස්ත උෂ්ණත්ව වලදීත් ජලය ද්‍රව වශයෙන් පැවතීම මේ අනුව ජීව ක්‍රියා සිදුවන මාධ්‍ය වශයෙන් වැදගත් වේ.
3. වෙනත් ද්‍රව මිදුන විට සංකෝචනය වේ.නමුදු ජලය අයිස් වන විට ප්‍රසාරණය වේ.එවිට ඝනත්වය අඩු වන බැවින් එය ජලයේ පාවේ.
4. ජලයට විශාල තාප ධාරිතාවයක්ද ,විශාල වාෂ්පීකරණ ගුප්ත තාපයක්ද,විශාල විලයනයේ ගුප්ත තාපයක්ද ඇත.

                                                 මෙකි කරුණු අනුව පෙනී යන්නේ ජීවය ආරම්භයට මෙන්ම පැවැත්මටද ජලය අත්‍යවශ්‍ය සාධකයක් බවයි.ජීවයේ ආරම්භය පිලිබඳ විද්‍යාඥයින්ට ප්‍රථම බොහෝ පඬි වරුන් අදහස් ඉදිරිපත් කර ඇත.මේ අනුව ආදීතම තොරතුරු හමුවන්නේ "මිසපොතෙමියා"වෙනි.සුමර් ප්‍රදේශයෙන් හමුවූ ලේඛන අනුව ජලජ විශ්වයක් ගැනද,දෙවිවරු ජලයෙන් ජීවින් බිහිකළ බවද කියවේ.එසේම බැබ්ලෝනියා  වැසියන් ආදී කල්පික සාගර පිලිබඳව විශ්වාසය තබා තිබේ."පොළොව,වනාන්තර පාළුව හිස්ව අන්ධකාරයෙන් යුතු විය.දෙවියන්ගේ ආත්මය ජල මතුපිට හැසිරෙමින් සිටියේය".ඔවුනගේ පැරණි ග්‍රන්ථ වල එසේ සඳහන්ය.

   

         භාරතීය හින්දු සාහිත්‍යයන්හී කියවෙන්නේ පළමුව ජලයත් ජලයෙන් ආත්මයත් බිහිවූ බවය.ආදී ග්‍රීක යුගයේදී විසු දාර්ශනිකයෙකු වූ තේල්ස් ද සියලු දෙයකම ආරම්භය ජලය බව පවසා ඇත.එසේම ග්‍රීසියේ විසු සේනොපනිස් ද වරෙක  පැවසුවේ:

         "අප සියලු දෙනා ජලයෙන් උපන් බවයි