පන්හිඳක පිබිදීම

                     ලැබී නොලැබෙන,නොලැබී ලැබෙන වාසනා චක්කරය මැද අතීතය සිහිනයක් පමණයි යන සිතුවිල්ල අදද මා හට නැත.එයට හේතු භූත ගණනාවක් සසර ගමන මෙන් පෙළ ගැසෙද්දී,ඒ පිළිබඳව කල්පනාරූඩ වත්ම මනසට සිහි කැඳවන සංදිස්ථාන බොහෝ ඇත්තේය.එහිදී මුණගැසෙන්නාවූ ඒ අපූරු මිත්‍රයන් දෙපල ඉතා ආදරයෙන් මතක් කල යුත්තේ ඇතැම් විට මේ ගැලපෙන්නාවූ හෝඩි අකුරු මාධ්‍යයේ වැටෙන්නාවූ කඳුළු එක දෙක තුල මෝදුවන මතකය දිගේ පන්හිඳට ලබා දුන් හයිය නම් තීන්තය නිසාය.

                   කිරිකැට් පිටියෙන් ආරම්භය ගත්තද අවාසනාවන්ත බැක්අප් වීමක ප්‍රථිපලය ලෙසද,වරෙක පරිගණක ෆේම් වෛරසයේ ගැරහුමෙන්ද එක් වතාවක් නොව විසි තිස් වතාවක අසමත්වීමෙන් නොලද මෙගා බයිට හා දිරිගැන්වීම් තුලින් ලද පන්නරය.......

               ස්වයං අධ්‍යයනය නම් නිදා සිටි හිතුවක්කාරිය පිබිදවූ මා,විටෙක දන්නා දෙයද විටෙක නොදන්නා දෙයද යලි යලි ගවේෂණය කොට මිරිකාගත් සාරයෙන් පන්හිඳ පණ ගැන්වූ වාර ගණන අනන්ත නමුදු එහි සාර්ථකත්වය ලිපි හතලිස් නවයකින්,සමින් කල පසුම්බියේ රැඳෙන්නාවූ වලංගු මුදලෙහි කළමනාකරණයෙන් ඉදිරිපත් කලෙමි.කිසිදු ලාභ ප්‍රයෝජනයක් හෝ හුදු තරඟයක් කිසි සේත්ම මා හඳුන් පොතෙහි තැවරී නොමැති බව මා දන්නේ හර්දසාක්කියෙනි.මාලද අත්දැකීම්,කියෙවු පොත පතෙහි වාරුවෙන් කල අත්හදා බැලීමක නොහික්මුණු ප්‍රතිපලයකි 

හිතුවක්කාර පන්හිඳ..

                                  hithru.blogspot.com නම් URL උත්පත්තිය පිලිබඳ කෙටියෙන් කියන කල එහි අර්ථයන් දෙකකි.එනම් හිතුවක්කාර රූ යන්නෙහි සාරාංශ වීමද,ලබා දුන් දිරියකට කරන්නාවූ උපහාරයටද යන්න අවංකයෙන්ම සඳහන් කරන්නෙමි..

 නාඩියා,තරුවා,නලීන් අංකල්,පනුච්චි,කොනන්,තරිඳු,සාරා,හිරු,අරුණ අංකල්,රන්දු,පුබුදුවාඑකී මෙකී නොකී නාමයන් ඉතා ආදරයෙන් සිහිකරන අතර පන්හිදෙහි පළමු වසරද,පනස් වන ලිපියද,මෙලෙස පිරි නැමීමට කැමැත්තෙමි.