සරසවියට එන අතරේ

අසනීපේ යාන්තම් හොඳ වෙද්දිම කැම්පස් පැත්තෙන් ඇඩ්මිෂන් ගන්න කියලා ආරන්චියක් ආවා ඊයෙ හවස් වෙනකොට.ඉතින් අද උදේ පහේ ඉදලා යනවා යනව කියලා යන්තම් දහයට ලෑස්ති වුනා අදි මදි කර කර.බෙහෙත් බොන්න,නාන්න එපා,කූල් බොන්න එපා අපොයි ..ගෙදරින් උපදෙස් කෝටියයි.

    කට්ටියටම වැදලා ඉතින් ගොඩ වුනා බස් එකකට,අයියෝ නිකම් මේ දවස් වල කැම්පස් වගේ, අතේ ඇඟිලි ගානට වත් කට්ටිය නෑ..හඟුරන්කෙත පැත්තෙන් එනකොට එස් බී මාමගෙ ගේ ලඟම පාර හදනවා ,එයා නිසානෙ මේ ඔක්කොම මට ඉතින් බහින්නත් හිතුනා :)මොකටද තවත් කාලෙ කන්නෙ කියලා ඒ අදහසත් අතහැරියා....

සින්හල ෆිල්ම් එකක මැද හරියෙ වගේ කම්මැලි වෙනකොට නින්දක් ගියා දන්නෙම නැතුව..

"නෝනා වරුනි මහත්වරුනි සැම දෙවියන් රැක ගන්නයි"කන ගාවම ඇහෙනවා විරිඳුව..මහපොළින් දිවි ගෙවන කන්නන්ගර දැරිවියක්  විදිහට රුපියල් පහක් දැම්ම සෙමෙස්ටරේ ගොඩ යන්න කියලා :)

යාන්තමින් යාන්තමින් නුවර කිට්ටුයි කියලා දැනගත්තෙ වන්දනා නඩයක් දැකලා මාලිඟාවට යන..

ගමනේ හතරෙන් පන්ගුවක් ඉවරයි..හ්ම් ඉතිරි හතරෙන් තුනට ගත්තා මාලු බනිස් දෙකකුයි ස්පන්චියකුයි,වෙනදා ගන්න කූල් බොතලේ  තහනම් අද :(

මලු දෙකකුත් උස්සගෙන නිකම් අවුරුද්දට ගෙදර යනව වගේ***ව බස් එකක් හොයාගෙන ගුඩ් ෂෙඩ් එකේ කෙලවරටම ඇවිදලා හොයාගත්තා බස් එකක්..අද එච්චර විශේෂයක් නෑ කියන්න පුලුවන් මොකද නැත්තම් බඬඉරිඟු, කඩල,මල්වානේ කිය කියා රඹුටනුයි, බාමුයි,ලිතුයි, පොතුයි පිරෙනවා බස් එකට..තනිකර සල් පිලක්  වෙනවා එතකොට..කවුරුත් ජීවත් වෙන්න ඕනනෙ ,සාධාරණ තරඟයක් අපැහැදිලි අනාගතේක..

ඒකාකාරි ප්‍රවේගයක ආරම්භය සමඟ තවත් නින්දක්....

වෙනදා *** වත් ඇහැරෙන මම අද **කුලමටම එනකල් නිදි..

මිහින්තලේ බැහැගන්න..ගමනේ නිමාව...

මීටර් අටසීයක් පයින් ගමන..කැම්පස් එකට ආවට නිකම් කැම්පස් නෙමේ වගේ..වෙනදා බත් කන ඇන්ටිගෙ කඩෙත් වහලා..පේර ගහක වඳුරෙක් පේර කනවා..කිසි හැල හොල්මනක් නෑ..

රූම් එකටම ආවාම ඉන්නවා තුන් දෙනෙක්..හ්ම් දෙයියො දැක්කා වගේ තමා.නැත්තම් ඉතින් මම තනියමනේ :) 

පොඩි වොෂ් එකක් තමා දාන්න වුනේ යාලුවො වතුරටවත් එන්න දුන්නෙ නෑ.රෙදිත් හෝදලා දීලා බෙහෙතුත් පෙව්වා..සිරප් බීලා කට තිත්ත වෙයි කියලා සියඹලා වගේකුත් ගෙනත් දුන්නා..ගෙදර අයගෙ අඩුව පුරවන්න ඉන්න අයනේ..කොහොමත් මට එයාලා ආදරෙයි:)

පාඩම් කරන්න ආව කට්ටිය මෙන්න ෆිල්ම් එකකට සෙට් වෙලා.පොතේම ඉන්නත් බෑනෙ ඉතින්.ඒ අතරෙයි මම මේ පොස්ට් එක ලිව්වෙ ...

යන අයට යන්න කියලා ඉන්න අය රැකගන්න ඕනෙ කියන එක නම් අද නම් මට තේරුනා