හන්තානට ගිය සඳ

කාලයක් තිස්සේ ප්ලෑන් කරලා අන්තිම මොහොතෙත් ගොඩාක් බාධා මැද්දෙ 23 වෙනිදා පාන්දරම යාලුවෝ කට්ටියටම නුවරට එන්න කියලා අපිත් ගියා හන්තානේ.වැඩිය නෑ රුපියල් 19 යි නුවර ඉඳං :)
මහා ලොකුවට ගියාට කිසි කෙනෙක් ගිහින් නෑ කලින් ඔය පැත්තෙ, 
ඉතින් මෙහෙමයි ගමන...

කුඩල්ලෝ  කකුල් දිගේ පියවර මනිද්දි බුව ගැවිලා ඇගේ හැම තැන පලු දානකොට හැරිලා යන්න මයි හිතුනේ ..ඒ අස්සේ යාලුවෙක්ට හොඳටම උණ..මොනවා උනත් වැඩේ අතහැරියේ නම් නෑ.භාග දුරක් ගිහින් තේ ගස් අස්සේ වාඩි වුණා පොඩි විවෙකයකට ..මෙගා පෙප්සි බෝතලයයි ක්‍රීම් ක්‍රැකර් පැකට් 2 කුයි ඇති වුණා පොඩි බඩගින්නට ..ආයෙත් ගමන පටන් ගත්තා..මුදුන පේනකොට හඳ තාම පායලා නැතත් පුදුම ලස්සනයි

කැමරා කාචයට අහු වෙන්නැති ලස්සනක් තියෙනවා ගිහින්ම බලන්න ඕනෙ අප්පා...කන්දේ මුදුනටම ගිහින් සෙන්කඩ ගල බැලුවම මේන් මෙහෙමයි පෙනුම..

 

"හන්තානේ කඳු මුදුන සිසාරා පවනක් වී එන්නම්"...

හන්තානේ සුන්දරත්වය ඔය විදිහට විඳ ගෙන හෙමින් හෙමින් බැස්සා පහලට..මගේ නම් දාගෙන ආව සෙරෙප්පු දෙක නෙමේ යනකොට හන්තානේ කාපට් එකට අඩි දෙකම ගැලවුනානේ :) 

  දවල් වෙලා නිසා බඩගිනියි වගේ කට්ටියටම බත් 4 යි නඩේ 8 යි , පුළුවන් විදිහට කටෙන් දෙකෙන් ලන්ච් එක ෂේප් කර ගත්තා...

හ්ම්... ගමන ඉවරයි තාම දවස ඉවරත් නෑ.."යමු උඩවත්තේ කැලේ"

ඒ අපේ මල්ලි කෙනෙක් ගේ අදහස..එයත් ගිහින් තියෙන්නෙ එක පාරයි ."හ්ම් යමු"..හිරි පොඳ වැස්සක් ඇඟම වෙලා ගනිද්දි ට්‍රිනිටි එකේ උඩපාරේ නැග්‍ගා උඩවත්තට ..

පාරවල් ගොඩක් තිබුනත් අපි බයිසිකල් ට්‍රැක් එකයි තෝර ගත්තේ,මොකෝ අපේ නඩේ ගුරා ඒ කියන්නේ අපේ මල්ලියා දන්න පාර..එයා දන්නා හැම දේම අපිට කියලා දුන්නා ..පුදුම මතකයක් දැනට අවුරුදු 6 කට කලිනුයි ඇවිත් තියෙන්නේ එයත්..

ජර්මන් විහාරය,පුස් වැල,සෙන්කන්ද ලෙන,නා වනය ,සේනානායක ආරණ්‍ය තව එකී මෙකී නොකී ඒවා ගොඩයි...මේ ඒ මතකයි :)

ට්‍රිප් එක ඔහොමයි ඉවර වුනේ..මට කියන්න ඕනෙ උඩවත්ත කැලේ රක්ෂිතයටත් මඟ පෙන්වන්නෝ හිටියනම් තවත් අපිට විස්තර දැනගන්න තිබුනා සැහෙන්න..

ඒ වගේම ගමන මඟ හැරුණු යාළුවොත් හිටිය නොවැ,,ඉතින් ආයෙ දවසක යමුකෝ ඉවරනේ කතාව :)

ආව යාළුවන්ටත් ගොඩක් ස්තුතියි හොඳේ :)

දවසම හරිත පරිසරයක ගැවසිලා හවස් ජාමේ ගෙදරට ගොඩ උනාම මෙන්න හොඳටම මටත් උණ .

ඕව නම් මොනාද ඩොක්ටර්ලා ඉන්නවනේ :)