අ(හිමි)නුඹ

සංසාරේ පුරුද්දට 

පෙර කරපු කරුමෙකට 

හමුවුනා දයාබර 

ලබැඳි වූ සොඳුරු සිත

එදා මං ...........

තබන්නට හිත සතුට

නොතබන්න කිසි අඩුව

වුනා මං සෙවනැල්ල 

කලා කැප ජීවිතය 

මතකද?..........

දුනිමි අවවාද  බෝ වුව

එබෙන්නට රුදු ලෝකයා දෙස 

පටලවාගෙන එයම අද නුඹ 

කිම පැටෙව්වේ  නොකල වරදක

අද මට..........

ලෝකයා පවසාවි මඟ හැර 

කරාපන් ඒ අඳුරු මතකය 

කෙසේ යම්දෝ පාරවා නෙත 

හයිය නැත මේ දුබල යටි හිත 

කාලය.........

පතක බත අනනා විටෙක වුව

මෙමෝතේ නුඹ බඩගින්නෙමද තව

කියයි හනිකට හමුවෙයන් නුඹ 

පයට පෙර හිත වේය ඉස්සර 

නමුදු ..........

පෙනේ හැමදා නුඹේ සැහැල්ලුව

සියලු කටයුතු මට හෑල්ලුව

යදම් හුණු වන  විට රේල්ලුව 

නවතීවි ගොස් දුර පීල්ලුව

කවදා හෝ.........

අටෝප පුහු ඇඟිල්ලෙන් ඇන

 පාරවයි නුඹේ හීන ඔක්කොම

පලිගන්න බෑ තැනදී වැරදුන

 පිලිගනිමි පෙර ලෙසම හමුවුන 

සැ.යු : මෙය මනඃකල්පිත සිදුවීමකි :)